叉燒大王

Open Now

Now Closed

呢間鋪頭我哋都唔係第一次食，係質素有保證的一個常備選擇可能近歲晚，生意好好，今日係星期三都好爆滿。我哋七點幾先到，但好在剛好有位唔洗搭枱睇完餐牌之後決定點以上依三樣餸每一次黎我哋都會食個例牌叉燒，呢度嘅叉燒肥瘦適中，仲有少少嘅燶邊，好好味！佢依款係偏向多蜜味嘅叉燒。例牌嘅份量都好多，連埋飯食好正😊一上枱就聞到胡椒湯好香豆腐卜中間讓左少少肉，吸收湯汁好好味。另外菇菌食入口爽而清新，感覺健康。蒜蓉粉絲蒸聖子好香，聖子都幾新鮮，加埋蒜蓉同粉絲一齊整味道濃郁意想不到今日嘅聖子都幾多肉大隻配合埋蒜蓉香同埋豉油，送飯一流！店內位置絕對不及茶樓大，但係都好有水準，餐牌內選擇多元化，呢個絕對係一家人或一班老友食飯好地方。