龍門一番川滬·紫砂燉湯 (Closed)

在商場內的食肆，設有圓枱，4人枱等，方便一家大大小小食飯。椰子竹笙燉雲吞雞湯椰子、竹笙、元肉、雲吞、雞件，好足料嘅燉湯，好清甜唔多油，飲左亦唔會頸渴。魚躍龍門(涼菜)魚肉夠彈牙，配以芫茜、紅蘿蔔絲一齊食好爽口。自家製水晶肴肉開胃前菜，瘦肉香肥而不膩，鹵凍望落透明，感覺涼浸浸，再沾上有薑絲嘅鎮江香醋，食落味道更好。回鍋肉炒年糕微辣的炒年糕，口感煙煙韌韌，配上薄切豬肉、青椒、豆腐乾、椰菜，味道香濃帶一點辣，炒得乾身唔油。紅棗糕蒸起即上，味道微甜適中，紅棗鬆糕鬆軟。飲品Mango Corona Cocktails夠凍，芒果味同酒溝埋左係好飲，(唔會死甜嘅芒果味)