ZAN CHEE (新城市廣場一期) (Closed)

沙田新開無耐既韓式外賣店😋 位於新城市廣場！好方便呀！鋪頭有好多嘢食揀，前菜方面，當然唔少得泡菜同埋芽菜等等。主菜方面，有韓式便當、拌飯、炒粉絲、炸雞等。小食方面，海鮮煎餅、蛋捲、豬腳，竟然仲有醬油蟹食呀😱 其餘仲有㗎，咁就要等自己去嗰度發掘下🤭我哋太肚餓啦，叫左個「飯捲、炸紫菜/粉絲卷、炸雞」份量夠晒多！飯捲用紫菜包住韓國午餐、蘿蔔絲、青瓜絲、醃牛旁、醃黃瓜、蟹柳，好多蔬菜，好健康！炸雞外皮香脆，肉質嫩滑，甜酸汁好開胃😋仲有叫多個「烤牛肉煎蛋拌飯」顏色鮮嫩，五彩繽紛，拌飯賣相好靚呀，令我地好有胃口食野！拌飯食材有：煎蛋，蘿蔔絲、芽菜、紫菜、翠玉瓜、冬菇，同樣係好多蔬菜，好健康！牛肉都好多舊，肉汁飽滿，足料又好味！🤣