聚友小廚

Open Now

Now Closed

曾是沙田居民的我，相約舊街坊開枱耍樂，抽水食飯，街坊們推介石門站旁的「集友小廚」。當年的工業區石門，自從有了地鐵站後，搖身變成商業旺區，商店食肆臨立，可謂十年人事幾番新。問問店長有何推介，首推酸菜魚$168！酸菜魚是近年流行菜式，可謂成行成市；餐廳以此作推介之選，足見其廚師信心十足。微辣湯底配合酸菜，酸味十分特出，充份帶出魚的鮮甜。魚肉口感爽脆，份量亦多，抵食又好食。黃金海中蝦$168 ，一字排開七隻新鮮海中蝦，睇見已經食指大動；再配合撲鼻的咸蛋香氣，已經先聲奪人。新鮮海蝦鮮甜之餘口感飽滿，外殼的咸蛋黃當然也不會錯過。蠟味崧扒豆苗$118；豆苗的翠綠，映襯著顏色低調的蠟味，對比中見和諧，賣相著實不錯。豆苗無渣，蠟味鬆軟香甜，都是優質食材。意猶未盡，點了兩隻豉椒炒蟶子$116配料以豉椒爆香，火候十足；芡汁厚薄適中，十分惹味。蟶子超級鮮甜，肉多之餘爽口彈牙，一試難忘！又一道色香味全撚手菜。地道港式飲品，當然首選凍檸茶。