Here Thai Market

Open Now

Now Closed

今日嚟到沙田食泰菜，餐廳位於新城市廣場三期，非常易搵。裝修方面，餐廳充滿泰式風味，而且又大又靚，坐得好舒服，都適合一大班人嚟聚餐～安格斯牛肉船麵 $128船麵係泰國特式美食。依度嘅湯底味道濃郁，帶少少辣，幾惹味。面頭仲有炸豬皮、香蔥、蒜同芫荽。我同朋友揀咗寬河粉，超好味。寬河粉好滑身，帶點彈牙，都幾掛湯。另外仲有安格斯牛肉同牛筋，牛肉好重牛味，牛筋充滿膠質。雞腿炒金邊粉 $88依碟賣相好靚，面頭有大大隻炸雞脾。雞脾外皮香脆，充滿油香，內裏肉質好滑，好juciy! 炒金邊粉好惹味，甜甜地，辣辣地。金邊粉晶瑩剔透，裡面配有芽菜、炒蛋、豆乾等材料。燒原隻魷魚 $58燒魷魚超香，大大隻，食落有驚喜。魷魚好新鮮，燒得啱啱好，唔會韌。泰式香蕉煎餅 $88甜品就食左去泰國必食嘅香蕉煎餅。香蕉煎餅比一般嘅大塊，而且較酥脆，睇到有好多層。薄餅裡面有蛋同香蕉，配搭住忌廉/ 煉奶/ 朱古力醬食簡直一流！鮮椰子水 $38椰青大大個，仲雪到凍冰冰，好fresh。泰式奶茶（凍） $28 泰式奶茶茶底好香，而且唔會太甜。