豪宴海鮮酒家

Open Now

Now Closed

去麗港城探朋友，之後就一齊到麗港城商場吃晚飯。途中發現有一間酒樓，朋友話應該係新開張不久，想試吓新酒樓， 於是就決定在此吃晚飯。酒樓面積頗大，因為新開張，所有裝修、座椅、食具……等都非常新淨企理。睇下菜牌，有任叫任食嘅特價小菜， 就隨便叫了幾個小菜試吓。上湯焗波士頓龍蝦龍蝦都算新鮮，味道唔錯，不過龍蝦殼沒有認真敲碎， 進食時感到很麻煩，而且跟伊麵要加$30，有點貴。砂鍋鹽焗雞半隻$48，幾抵。因為任叫任食，落單時要咗兩份，即一隻。鹽焗雞帶少少鹹香，用大量蔥蒜焗，好惹味。XO醬爆黑豚肉黑豚肉肉質較爽，不過XO醬味道唔夠突出。紅燒北菇豆腐味道唔錯，不過北菇份量太少。西蘭花花枝螺片 花姿片同螺片都夠新鮮，味道可以。整體來說，這酒樓的小菜份量不大， 味道很一般， 比較突出的算是砂鍋鹽焗雞，味道好，價錢平，值得一試。