Video
Read full review
2012-10-29
1262 views
下午點幾鐘探完天水圍嘅親戚，去左銀座個頭飲茶。行左幾間，想食得好少少就去左酒店樓上中菜廳。以為好貴，點知仲平過美心稻香。我地四個人，叫左幾個點心同一碗鵝賴，印象最深嘅係炸尤魚鬚同流沙奶皇包，真係出奇地好食。我本身都中意食奶皇包，而且亦幾有要求。某間以流沙包見稱嘅酒家我都食過，就係嫌佢太流，太多油，似乎係為左要佢流啲就放勁多油，結果只係有視覺效果，啲吉士打醬就變得唔香。今次食呢間，啲包一黎到已經好靚仔，一咬，咦？啲漿好杰喎，咬多啖，你已經feel到奶香同蛋黃嘅香味係個口度發出黎。包身香軟，有淡香，岩岩好平均左奶漿嘅濃味。如果呢間野開係尖咀銅鑼灣，我諗佢賣10蚊隻啲人都會排隊買，好過個啲洗晒啲錢係廣告度又將成本轉嫁消費者個啲所謂奶皇包專門店。炸殘魚鬚係兒時嘅回憶。細個同老豆老媽去親飲茶，我都會想食。但因為熱氣，老媽成日唔比食，要lur下嗲下佢地先會叫。候印象中，細個千辛萬苦嗲返黎嘅尤魚鬚多數唔係軟num num就係腥嘅，好睇唔好食。今次叫個陣可能都係滿足自己想食嘅心態。黎到，一如所料，暖的，唔夠熱，諗住同細個食一樣係軟架啦，點知一入口，仲係好香脆。脆到啲碎跌晒落我條褲度，真係脆到入口個陣會
我本身都中意食奶皇包，而且亦幾有要求。某間以流沙包見稱嘅酒家我都食過，就係嫌佢太流，太多油，似乎係為左要佢流啲就放勁多油，結果只係有視覺效果，啲吉士打醬就變得唔香。今次食呢間，啲包一黎到已經好靚仔，一咬，咦？啲漿好杰喎，咬多啖，你已經feel到奶香同蛋黃嘅香味係個口度發出黎。包身香軟，有淡香，岩岩好平均左奶漿嘅濃味。如果呢間野開係尖咀銅鑼灣，我諗佢賣10蚊隻啲人都會排隊買，好過個啲洗晒啲錢係廣告度又將成本轉嫁消費者個啲所謂奶皇包專門店。
炸殘魚鬚係兒時嘅回憶。細個同老豆老媽去親飲茶，我都會想食。但因為熱氣，老媽成日唔比食，要lur下嗲下佢地先會叫。候印象中，細個千辛萬苦嗲返黎嘅尤魚鬚多數唔係軟num num就係腥嘅，好睇唔好食。今次叫個陣可能都係滿足自己想食嘅心態。黎到，一如所料，暖的，唔夠熱，諗住同細個食一樣係軟架啦，點知一入口，仲係好香脆。脆到啲碎跌晒落我條褲度，真係脆到入口個陣會聽到「索」一聲個隻。隔離枱一家三口見我食得咁過癮都跟風叫左碟。佢好食唔係淨係因為脆，而係表皮脆得黎入面仲保留左尤魚嘅鮮味，唔係硬嘅。
埋單個陣，平到嚇親。一般我咁叫法係出面無4、5百都落唔到樓。係呢間酒店嘅中餐竟然4個人平均每個6x蚊走得，真係平到嚇左嚇。個侍應仲幫我簽埋泊車，又慳幾十。下次經開呢頭一定會再黎。請呢度啲親戚食飯唔使再車啲老人家山長水遠出尖咀了。
Post
