Video
Read full review
2013-11-20
762 views
出開旺角，諗住上網搵食店，見到此店，於是試下，去到唔多人，得幾枱客，所以不用等位，環境都好整潔，座位給人舒適感覺。好心急點嘢食，見到張紙，好似點車仔麵咁，自己劃，有自選麵、湯底、食法、自選餸，於是我點了鹵水豆腐、牛根蝦子生麵, 老公點了墨魚卷蝦子生麵，問佢點解只點一樣餸, 佢話$8 加一個餸好貴, 又真係貴咗D. 因為驚男人淨係食麵唔夠飽，於是叫多個鮮蝦雲吞皮同埋蟹子醉蛋.點知等食嘅時候, 已聽到最少有3枱客人投訴落錯單，整錯嘢，其中一枱我聽到個男人講錯咗幾次𠻹，心諗點解可以錯漏百出，但D職員服務態度好好，係咁講對唔住、唔好意思等，但對食物都抱有希望。等咗約20分鐘，終於有嘢食，老公碗麵嚟先，試左一啖墨魚卷，炸得好香，都有墨魚味，好好食，D麵都好爽口，但唔可以話係好好食，只係唔難食, 其次D麵少得可憐，只得一個麵餅，男人根本一碗麵唔會夠飽，等咗約10分鐘，蟹子醉蛋上枱，開始覺得唔對路，$15得半隻蛋，我都唔敢食，留番比老公食，佢食完問佢意見，佢話係浸左酒加D蟹子係面嘅蛋，冇乜特別，只有酒味，冇酒香。我老公就嚟食晒碗麵我都未有得食，跟往再等咗約15分鐘，終於可以到我試食，先講牛根，完全冇
好心急點嘢食，見到張紙，好似點車仔麵咁，自己劃，有自選麵、湯底、食法、自選餸，於是我點了鹵水豆腐、牛根蝦子生麵, 老公點了墨魚卷蝦子生麵，問佢點解只點一樣餸, 佢話$8 加一個餸好貴, 又真係貴咗D. 因為驚男人淨係食麵唔夠飽，於是叫多個鮮蝦雲吞皮同埋蟹子醉蛋.
點知等食嘅時候, 已聽到最少有3枱客人投訴落錯單，整錯嘢，其中一枱我聽到個男人講錯咗幾次𠻹，心諗點解可以錯漏百出，但D職員服務態度好好，係咁講對唔住、唔好意思等，但對食物都抱有希望。
等咗約20分鐘，終於有嘢食，老公碗麵嚟先，試左一啖墨魚卷，炸得好香，都有墨魚味，好好食，D麵都好爽口，但唔可以話係好好食，只係唔難食, 其次D麵少得可憐，只得一個麵餅，男人根本一碗麵唔會夠飽，等咗約10分鐘，蟹子醉蛋上枱，開始覺得唔對路，$15得半隻蛋，我都唔敢食，留番比老公食，佢食完問佢意見，佢話係浸左酒加D蟹子係面嘅蛋，冇乜特別，只有酒味，冇酒香。
我老公就嚟食晒碗麵我都未有得食，跟往再等咗約15分鐘，終於可以到我試食，先講牛根，完全冇味，唔夠淋，好硬，食到牙到軟埋，鹵水豆腐得4片（ 唔係4舊），唔應該話係鹵水豆腐，佢唔係我哋香港人食開D鹵水，應該係台灣人整個D好濃嘅黑色醬汁，淋係豆腐面，好彩擇選了秘製醬油𤏪, 所以D味都唔太難食, ( 因為先前有一枱個女仔應該係點咗麻辣撈, 所以投訴好辣, 唔係四川個D麻辣), 但我食到一半D麵已經凍晒, D麵攞出嚟完全唔熱, 只係微暖, 到就嚟食完, 個鮮蝦雲吞皮都未到, 於是取消Order, 都唔敢再試落去, 速速埋單走人.
Other Info. :
此店除咗服務態度好之外, 無論食物味道, 份量, 價錢, 可以話係完全冇可取之處, 如果以呢個價錢, 食咁嘅質素, 我個人覺得完全唔值, 真係去食車仔麵好過, 我諗好多車仔麵都好食過佢.
(The above review is the personal opinion of a user which does not represent OpenRice's point of view.)
Post
