壽司郎 (翔盈里)

Open Now

Now Closed

第一次食壽司郎🍣平時都聽到朋友對壽司郎讚不絕口。今次終於可以親身體驗。去之前down左壽司郎嘅App, 唸住預約時間，點知日日嘅booking都full左，好鬼誇張。傳聞walk-in要排兩個鐘。於是朋友仔一大清早就去排隊。朋友仔10點就去到，朋友當時話目測已經有40個人左右排緊喺前面。壽司郎10:30開門，結果我哋可以喺10:30嘅第一round入到去非常開心。 食完依間甘受歡迎嘅壽司郎，值得一提嘅係海膽壽司同埋蟹膏軍艦都好新鮮，沒有異味物超所值。另外依度有我喺水木食過嘅螢光魷魚🦑，因為唔係度度都有得食，所以我哋都點左。螢光魷魚係鹹鹹地醃咗嘅魷魚🦑水木嘅螢光魷魚係黃色嘅，依度係黑色嘅，風味同水木嘅接近。今次我哋食到滯真係好平嘅高質壽司不過要提一提，依度由於太受歡迎，所以有時限，只有60分鐘嘅時間食所以要快手快腳落單（每次可以落4款，落完可以即時再點...）。