燒閒站 (Closed)

有日酒友講開有間串燒係土瓜灣吾錯叫燒閒站，話串燒吾差但重點係有個魚鍋好味道，因而我地一行五人在平日8點到去食。去到門口見到海鮮係地下，都好生猛喎...當然要食返少少海鮮..入到去見到其他已經滿座 原來隔離舖都係佢地。我地坐係係度偏迫但總叫乾淨。佢地以餐紙形式，有辣度選擇。今次我地叫左魚鍋，串燒之類（因醉左忘記左一些菜名，見諒，4個人1枝白酒，6枝啤酒就等待食物來臨。魚鍋大約等了15分鐘就可以上桌，魚湯味好濃而清，每人都飲到2碗左右，配菜都入晒魚湯既鮮甜，有驚喜，最重要係$88，堅抵食！！最後朋友話快點飲完仲可以加湯，原來之後都係加魚湯，當然一定都係偏淡左少少，但都有誠意係魚湯。之後加了響鈴同午餐肉...都大份量同午餐肉都夠厚身。燒海鮮都係新鮮野，所以絕對有鮮甜味同厚肉，而煮得又剛好吾難咬，不錯。肉類串燒沒有人講到吾熟，但等待時間偏耐，味道要中辣會覺得辣但吾係味精果d...但還有本身肉味既香，都值得等既。燒菜類偏燶左少少同乾身，味道一般。雞泡魚乾都乾身同好香雞泡魚和脆，吾會好似出面咁濕，送酒一流。最後坐左3個幾鐘都有叫人走 ，老闆仲係度同我地傾計添，大約每人$150都合理價。