Video
Read full review
2016-05-30
509 views
星星熱潮過左，又出套太陽，唔知下一套係咪月亮？週未得我同媽媽食飯，出左糧決定帶佢出街食做下孝子，問佢想食咩，佢竟然話要食韓燒?！真係估佢唔到，呢排成日煲韓劇，而家仲話食韓燒，唔通想做阿豬媽？阿豬媽仲指明要試電視介紹過個爐邊有芝士同蛋果隻tim 我好少睇電視同食韓燒個wor, 你講緊乜呀………?係op search 左一輪，終於比我揾到佢講既野，咁岩阿豬媽話想去尖沙咀永安行下，就揀尖沙咀炑八試下啦~點知永安好似死城咁，行左半個鐘就走左，先五點幾鐘，又落住雨，唯有早d去食飯啦~去到唔駛等位即刻有得入，我同阿豬媽都未試過呢種韓燒（對上一次食已經係五六年前自助任食，食完成身燒肉味果d），侍應話比我地知前菜爐邊蛋芝士粟米都係可以免費refill, 阿豬媽隻眼發晒光，我睇緊餐牌既時候佢已經不停係度食d前菜……阿豬媽幾年前戒左牛，呢度d海鮮又唔係好吸引，於是叫左個厚切五花腩同雞肉，驚唔夠飽諗住叫多樣熟食，阿豬媽即刻發揮慳家本色，話唔夠飽就食多幾轉前菜……真係唔知好嬲定好笑~主角厚切五花腩上場，初時諗住得150g會唔會好少，原來都幾大舊個喎，仲好细心幫你中間切開左幾刀，呢個時候阿豬媽仲同d前菜搏鬥緊
週未得我同媽媽食飯，出左糧決定帶佢出街食做下孝子，問佢想食咩，佢竟然話要食韓燒?！真係估佢唔到，呢排成日煲韓劇，而家仲話食韓燒，唔通想做阿豬媽？阿豬媽仲指明要試電視介紹過個爐邊有芝士同蛋果隻tim 我好少睇電視同食韓燒個wor, 你講緊乜呀………?係op search 左一輪，終於比我揾到佢講既野，咁岩阿豬媽話想去尖沙咀永安行下，就揀尖沙咀炑八試下啦~
點知永安好似死城咁，行左半個鐘就走左，先五點幾鐘，又落住雨，唯有早d去食飯啦~
去到唔駛等位即刻有得入，我同阿豬媽都未試過呢種韓燒（對上一次食已經係五六年前自助任食，食完成身燒肉味果d），侍應話比我地知前菜爐邊蛋芝士粟米都係可以免費refill, 阿豬媽隻眼發晒光，我睇緊餐牌既時候佢已經不停係度食d前菜……
阿豬媽幾年前戒左牛，呢度d海鮮又唔係好吸引，於是叫左個厚切五花腩同雞肉，驚唔夠飽諗住叫多樣熟食，阿豬媽即刻發揮慳家本色，話唔夠飽就食多幾轉前菜……真係唔知好嬲定好笑~
主角厚切五花腩上場，初時諗住得150g會唔會好少，原來都幾大舊個喎，仲好细心幫你中間切開左幾刀，呢個時候阿豬媽仲同d前菜搏鬥緊，唯有我呢個做仔既燒啦，由阿豬媽聲音指導下，都算燒得幾靚，燒完直接放入口，充滿肉香，肉質彈牙又唔會太um, d肥膏燒完之後已經無左七七八八，d油香完全入晒落d肉度，一d都唔覺得油膩 呢個時候阿豬媽竟然教我係要用生菜再加d泡菜蒜頭包住食先正宗……我都知，不過麻煩吖ma, 不過見佢咁自豪個樣，等佢開心下啦~但係跟住阿豬媽既方法食，又有另一番風味，先係食到生菜既爽甜，再食到泡菜既脆辣同腩肉既鲜香，一次過滿足你幾個願望，不過可能我包得唔好，一路食d汁一路滴，搞到成手都係泡菜汁同肉汁……
跟住到燒雞肉，賣相唔錯，食落好嫩滑，帶少少甜味，用生菜加理蛋同芝士粟米包住食，非常之夾，好似食緊一個好豐富既芝士雞肉漢堡走包~呢度食野有樣好，你可以隨自己鍾意加唔同既配料用生菜包黎食，我自己就最鍾意加泡菜同芝士，咁樣食法又健康又飽肚，一改我對韓燒既睇法~
阿豬媽食完都好滿意，見到佢個開心同滿足樣，我呢個做仔既都好開心
厚切五花腩
$128
66 views
0 likes
0 comments
本家雞肉
$78
36 views
0 likes
0 comments
Post
