二記飯店 (Closed)

我同娜姐都好鐘意去呢類小菜館，所以打完波近近o地o黎o左呢度食。生炒骨-好強烈的甜酸味，還有陣陣刺鼻感覺，但我本人鐘意食酸，所以認為好味，一般人就可能覺得過酸。排骨都算炸得脆，但係肉質麻麻。煎蠔餅-我仲以為叫錯碟煎蛋角，煎得唔夠香脆，唔得脆口，而蠔仔又冇味，娜姐叫我呢碟菜要俾個喊面喎!紅燒豆腐-豆腐幾大件，份量又幾多，不過沒有豆腐味。粉絲雜菜煲-真係好多粉絲，又大煲。因為加o左少少腐乳，所以都幾野味。雖然味道一般，不是十分出色，但係連埋一枝啤酒都唔駛200蚊，真係經濟又抵食，仲想點!