Video
Read full review
2012-02-10
18 views
放左工， 一支公。忽然之間好想食一煲熱辣辣既炭爐煲仔飯，要全香港數一數二好食，只有呢間---坤記。到步時間是６：３０ｐｍ， 已經沒有吉枱，幸而我一個人搭枱即刻seat down, order 一煲臘味排骨飯。來這店食小菜可以是很快， 但如果focus 煲仔飯正好考驗食家耐性，如果你催佢，只會留下污點。等等下已經7:15pm，心想時間差不多，再order 一碟蒜蓉芥蘭。碟菜上枱後不久主角出場，先淋上豉油，再放回煲蓋，一分鐘後打開果然引來鄰枱羨慕目光（因為我早來等好耐你唔知啫）臘味既香味完全滲透到飯裡， 飯夠亁身，每粒飯頭尾都係尖 ； 是靚絲苗米。排骨夠淋，有豉味，加埋支COKE 簡直好味得流下淚來。坤記既煲仔飯味道絕對收貨有餘，食煲仔飯最重要係飯焦，沒有飯焦不如食蒸飯。
忽然之間好想食一煲熱辣辣既炭爐煲仔飯，要全香港數一數二好食，只有呢間---坤記。
到步時間是６：３０ｐｍ， 已經沒有吉枱，幸而我一個人搭枱即刻seat down, order 一煲臘味排骨飯。來這店食小菜可以是很快， 但如果focus 煲仔飯正好考驗食家耐性，如果你催佢，只會留下污點。等等下已經7:15pm，心想時間差不多，再order 一碟蒜蓉芥蘭。碟菜上枱後不久主角出場，先淋上豉油，再放回煲蓋，一分鐘後打開果然引來鄰枱羨慕目光（因為我早來等好耐你唔知啫）臘味既香味完全滲透到飯裡， 飯夠亁身，每粒飯頭尾都係尖 ； 是靚絲苗米。排骨夠淋，有豉味，加埋支COKE 簡直好味得流下淚來。
坤記既煲仔飯味道絕對收貨有餘，食煲仔飯最重要係飯焦，沒有飯焦不如食蒸飯。
Other Info. :
還記很久之前睇so far so good節目， 聽某位食家講上環有間用焗爐煮既煲仔飯竟然話好食，心中不禁冷笑一下，心想:你食過坤記未呀~
係20 年前， 坤記前身是一間叫新麗閣既茶餐廳， 當時炭爐煲仔飯已經街知巷聞；不幸是因為某些原因而結業，後來再戰飲食圈， 到今日同當年味道依然。
(The above review is the personal opinion of a user which does not represent OpenRice's point of view.)
Post
