One More Hotpot 來一鍋 (Closed)

琴晚幫襯了銅鑼灣鬧市中的滄海遺珠-- 一間唔顯眼，不過食過番尋味的火鍋料理餐廳，味道、份量、款式都比出面好多火鍋店出色，絕不馬虎，值得推介！首先環境好闊絡，一個卡位坐6個人都唔會逼。仲有圓枱(大廳)、廂房，無論情侶拍拖或家庭聚餐都容易安排，視乎人數而定。酒水當然唔可以忽視。汽水啤酒任飲之餘，絕對不是是但但，好多外國款式揀！最重要一提，可以揀白酒、紅酒！我咗白酒因為火鍋有海鮮盤！湯底係「花膠螺頭雞鍋燶湯」我係湯底內夾咗6片大花膠出來！（圖中係其中2片）足料程度唔洗再解釋啦，好補好滋陰啊海鮮盤包括有殼鮑魚、龍躉肉、有殼青口、有殼扇貝、貴妃蚌、大蝦、象拔蚌(可惜當晚生蠔售罄)。每樣都好鮮甜好味，個鮑魚碌熟都成隻羹咁大！老闆果真大方！對於食肉獸來講，手切安格斯牛肉當然不少得。牛肉鮮嫩可口，味道濃郁，第一次食牛肉無點醬油已經覺得好好味！🤗仲有手工肉丸、手工餃子，份量一啖一粒，可以留肚食多幾款，啱晒女仔眼闊肚窄的心思！