滬上園 (Moved) New Location

情人節 諗住去食下啲冇乜情侶會去食嘅小店 點知好多地方都好多人🤦🏼‍♂️最後我地揀咗食滬上園 食落又真係唔錯唔錯 只係可能因為太多客 店員都好忙 分身不暇 令到落單上菜等等有啲混亂我地兩個叫咗一份白菜同一份芹菜餃子（各十隻）一碗四川擔擔麵 同埋一碗陽春麵佢嘅麵食味道很好 擔擔麵唔算好辣 但卻又食到麻辣嘅味道 麵線仲唔會太淋 韌度充足 十分飽足陽春麵都十分好味 麵線比擔擔麵幼 都係唔會太淋或太硬 加上清清地嘅湯底 十分吸引🤤 就連影相都唔記得影😆之後嚟咗兩份煎餃子 都十分好味🤤餃子皮唔會太厚太粉 但又不失煙韌嘅口感 亦保持到香脆嘅部分 兩種餃子嘅味道突出 芹菜味重而不會太過濃味