海寶漁港 (Closed)

之前一間添飯開左唔夠兩個月就執左，原因不明不過過左一個星期都唔夠，海寶漁港又在原址用番之前既裝修開鋪﹗茶同晚飯我就未飲過，呢日地盤鑽完地午餐時間就買左個燒味飯食，18蚊單餸，20蚊就兩餸，要左個叉雞飯返地盤吃﹗燒味唔講住，一打開個飯，飯身粒粒都是油光滿佈，我明白燒蠟飯要加豉油，不過可以做到0的飯油得咁緊要都係第一次見，底部的更加睇到0的油是浸住米粒，所以我食左小半個已經掉左﹗再講燒味，叉燒蜜香味唔濃，雖軟身卻只可說是合格，但0的白切雞好似無拔雞毛似的勁多毛，睇見都唔多開胃﹗新店開張除了提供什麼優惠外，看來最重要是先留意食物質素﹗