Video
Read full review
2023-05-06
28 views
朋友向我介紹一間位於油麻地鬧市中嘅人氣三文治店，早前仲由內街搬左去彌敦道，搬得去果啲位置，一定好多人幫襯，今日襯住有家庭聚會，一於買返幾份大家一齊試下。小店主做外賣，但店內亦有少量位置可以立食，餐牌上選擇都好多，主要係三文治，除此之外，都有少量飯類、小食同飲品。三文治即叫即做，全部都係用透明盒包裝，方便攜帶，拎到返屋企或公司仍能保持整潔，更能睇到每一份裡面嘅餡料。Double 濃厚松露蘑菇滑蛋治：黑松露、蘑菇同滑蛋可以話係絕配，三文治內嘅滑蛋超多，真係分分鐘厚過包，入口非常香滑，黑松露味非常非常濃，配埋蘑菇食，非常爽口，極有口感。香濃沙嗲牛肉三文治：超喜愛食沙嗲牛嘅另一半見到餐牌上呢款三文治就話一定要試啦。牛肉份量都好多，配上香濃嘅沙嗲炒過後有微微辣味，肉質軟腍，好有茶餐廳風味，配埋既微甜又嫩滑嘅滑蛋，真係好惹味。雙層火腿蛋三文治 ：相信無咩人會未食過腿蛋治，呢度嘅雙層火腿蛋三文治份量十足，厚厚嘅蛋配上鹹鹹地嘅火 腿成強烈對比，可以話係餐牌上較清淡嘅選擇。濃厚滑蛋三文治：講起滑蛋三文治，相信無咩人會諗唔起佐敦某著名茶餐廳。呢度嘅濃厚滑蛋三文治滑蛋份量十足，非常之滑，蛋味香濃，簡簡單單又
小店主做外賣，但店內亦有少量位置可以立食，餐牌上選擇都好多，主要係三文治，除此之外，都有少量飯類、小食同飲品。
三文治即叫即做，全部都係用透明盒包裝，方便攜帶，拎到返屋企或公司仍能保持整潔，更能睇到每一份裡面嘅餡料。
Double 濃厚松露蘑菇滑蛋治：黑松露、蘑菇同滑蛋可以話係絕配，三文治內嘅滑蛋超多，真係分分鐘厚過包，入口非常香滑，黑松露味非常非常濃，配埋蘑菇食，非常爽口，極有口感。
香濃沙嗲牛肉三文治：
超喜愛食沙嗲牛嘅另一半見到餐牌上呢款三文治就話一定要試啦。
牛肉份量都好多，配上香濃嘅沙嗲炒過後有微微辣味，肉質軟腍，好有茶餐廳風味，配埋既微甜又嫩滑嘅滑蛋，真係好惹味。
雙層火腿蛋三文治 ：
相信無咩人會未食過腿蛋治，呢度嘅雙層火腿蛋三文治份量十足，厚厚嘅蛋配上鹹鹹地嘅火 腿成強烈對比，可以話係餐牌上較清淡嘅選擇。
濃厚滑蛋三文治：
講起滑蛋三文治，相信無咩人會諗唔起佐敦某著名茶餐廳。呢度嘅濃厚滑蛋三文治滑蛋份量十足，非常之滑，蛋味香濃，簡簡單單又一餐，唔需要另加配料已經好滿足啦。
下次等我試埋佢啲飯同飲品先。
Post
