金銘潮州粉麵餐廳

Open Now

Now Closed

星期六去油麻地睇戲，一直想試呢間潮州魚蛋粉，因為門面幾靚，開了成兩年都未有機會試。今次去好多人，可能是午飯時候的關係，平時經過都唔覺有咁多人幫襯。好彩一入去就有人走，唔駛等位。粉麵的選擇算多，不過唔算平。我試了個潮州四寶米，有魚蛋、扎肉、墨魚丸同魚皮餃各兩粒。魚蛋同墨魚丸都幾正，夠彈牙！扎肉超厚，好似午餐肉。魚皮餃都好食，每樣餸都過得去，粉夠大碗，湯也不錯呢！老公食的牛什雲吞河牛什一般但雲吞幾好，蝦夠鮮味又彈牙。我們還叫了一碟蠔油芥蘭($12)，唔明點解要腩汁要俾多4蚊，食水也太深了點吧？另外粉麵檔嚟講咖啡奶茶的味道也不錯，可惜唔夠熱，要扣分。一路食仲覺有人等位，雖然價錢唔算平但食物質素好自然會有人幫襯，下次都會再來食。