串燒王 (祥興樓)

Open Now

Now Closed

今日同同事去旺角朗豪坊行街買聖誕節嘅交換禮物。行左陣見肚餓就去覓食。冬天凍凍地想食燒烤就諗起：砵蘭街食燒烤好出名。咁多間燒烤店之中呢一間門口個霓虹燈係最吸引。好有香港特色, 離遠都望到。一入餐廳已經聞到好大陣蒜蓉燒烤味, 餐廳姐姐態度友善、熱情介紹店內人氣燒烤：沙爹雞肉串同燒雞中翼。我哋兩個女仔胃口細揀左兩個串燒肉類、菇、茄子仲有一個主食。所有串燒都係即叫即整, 熱辣辣咁食。一坐低冇耐, 好快就有玉子燒上台, 蛋香味濃郁、食落有咬口、有少少甜蜜蜜的味道。串燒店之中嘅清新之選。燒茄子蒜香味十足, 分量大, 原隻開邊燒。食到舐舐脷😋蒜蓉金針菇仲有雞脾菇同其他雜菇, 種類豐富牛油味香濃。十分滿足。花甲粉少辣，香味撲鼻令人食指大動，花甲數量多又有娃娃菜底，十分健康。串燒夠晒火候🤣孜然味重，份量夠👍🏼下次經過油麻地可以再同朋友食。