神石燒牛扒專門店 (碧街) (Closed)

間唔時都想自我放縱做食肉獸，但臨近月尾都要慳啲洗，無意中搵到呢間超抵食既石燒牛，放題有8款肉任食都係$209，依家仲做緊追加A5和牛優惠，$1有1g，我自己都食左100g，同朋友仔食到捧住個肚走😣❀A5和牛❀用上鹿兒島A5和牛，脂肪分佈呈現雪花狀，油脂豐富，夠哂肥美又好香口😝❀澳洲M7黑毛和牛❀M7黑毛和牛牛肉鮮味香濃，肉汁豐富，肥瘦相間咁，口感幾嫩滑，唔錯。❀壽喜燒汁牛舌及牛五花❀牛舌沾上壽喜燒汁燒得惹味，口感依然爽脆唔嚡口；牛五花燒完之後油香四散，口感厚實，帶有牛肉鮮味。❀美國CAB黑安格斯牛肩胛扒❀牛肩胛扒筋多，肉質結實，脂肪較平均，有肉味兼有咬口。❀澳洲穀飼100日牛扒❀呢款牛扒肉質柔軟，口感豐富，點少少醬汁都好好味😚另外仲有沙律、湯+飯任食，個黑豚牛舌洋蔥湯幾好飲，牛舌煮到好腍，洋蔥又清甜，飲左2碗好飽。