Maki拉麵 (Moved) New Location

喺油麻地窄巷之中嘅拉麵店～小店餐牌上只有四款口味做選擇，係選擇困難症人士嘅福音！四款口味都各有特色，今次就選擇左最原始嘅湯底口味黎試一試，湯頭豬骨味濃郁，調味唔算重手，油脂感偏重，係嗰種食完拉麵之後想成碗飲佢嘅湯底！麵身質地處於適中至偏硬，兩片叉燒都帶有30%左右肥脂，同瘦肉完美平衡，伴麵嘅紫菜同糖心蛋都屬於水準之上，對於一直都係鍾意沾麵多個拉麵嘅我黎講，依到嘅拉麵整體配搭出色，係我心目中幾唔錯嘅拉麵小店！