喜鳳冰室

Open Now

Now Closed

放假和朋友去油麻地果欄買生果，買完朋友同我去咗附近食飯，喜鳳冰室是一間港式茶餐廳，地不算大但整潔乾淨。去骨海南雞飯，雞嘅份量都好多，蓋滿整碟飯，雞已去骨入口啖啖肉，肉質口感扎實，雞皮爽口，油飯好夠味，粒粒分明，口感Q又帶上多層次的香氣。皇牌鴛鴦飯，鴛鴦即是叉燒和蝦仁，雞蛋炒至7、8成熟，入口嫩滑。叉燒大大塊厚切，肥瘦得宜卻唔會油膩，蝦仁爽口，再配秘製甜豉油撈飯食確係一流。話梅七：大大杯七喜加埋話梅，配搭新鮮，味道酸酸甜甜。紅豆冰：紅豆林甜而且份量十足，足足有半杯，加上啖奶味道更香濃甜美。勁蔥厚豬扒飯，豬扒係厚切帶有肥邊，入口有嚼勁之餘，富有油脂香味！ 即使經過油炸都唔會太過油膩，仍然能夠保持肉質鬆嫩多汁，配搭滿滿的蔥香，實在令人回味！星洲炒米帶點咖喱香味，味道香濃，材料豐富，有蝦仁有叉燒，十分好味道。