新麻蒲 BBQ (新都會廣場) (Closed)

最近新都會大翻身，多咗好多唔同嘅餐廳，特別係韓國菜。話就話係一樓，其實就係地庫。前菜~韓式生牛肉拌飯＄88中間嗰啲冇花冇假，真係生嘅牛肉，不過就經過少少調味，所以有啲鹹香。除咗生牛肉之外，仲有好多配料，包括青瓜，豆芽，蘿蔔，冬菇，生蛋等等⋯攪拌之後味道好突出，特別有啲芝麻吊起左個味道，個飯都幾大份，好夠飽！韓式醬油醃生蟹拌飯＄178食生蟹又真係幾吸引，平時中菜食大肉蟹就食得多，韓國風格嘅蟹都真係好少食。旁邊有一個飯，有好多材料，本身生蟹有啲鹹香，加埋醬汁就更加濃郁。加飯就中和左個味道，仲有啲蟹膏鮮味十足！唔好唔記得食裏面啲蟹肉，軟林林又有彈性，好得意。韓式醬油鮑魚＄118醬油鮑魚係熟嘅，好彈下又爽口， size唔算太大，勝在味道夠入味，小小咸。又唔使太擔心味道過濃，因為真係啱啱好，熱力都係暖暖地。Fly high$88 冇酒精I'm Fine $88 無酒精一個就係士多啤梨味，另外一個就係菠蘿味，兩個都好清新，我就覺得士多啤梨味嗰個濃郁啲，菠蘿味就清新啲，睇返各人口味。上面有一支蘋果汁，我哋掹咗佢出嚟發現就咁飲實在太甜，所以一定要溝！勁大！都係兩個人飲一杯好啲。