迷客夏 (如心廣場二期)

Open Now

Now Closed

每次想由商場穿過天橋去對海之戀嘅時候，經過如心二期1樓「迷客夏」都見到好多人排隊買店舖推薦嘅招牌飲品-「芋圓4.2」，聽人講味道香濃，芋圓煙韌有口感。最近新推出咗草莓系列嘅飲品，身為草莓🍓迷嘅我一定唔會錯過去試呢杯「草莓麻薯茶凍鮮奶」，主打自家製Handmade 法式手工草莓🍓，賣相相當吸引。草莓麻薯茶凍鮮奶 $41自家製Handmade法式手工而成嘅草莓果醬，濃郁香口，每一啖都飲到少少嘅草莓粒，亦唔會覺得酸味味，加上底部有煙煙韌韌嘅麻薯做配料，食落帶有米香，唔會好癡牙架。有固定甜度，只可選擇全走冰或唔走冰。如果唔想太甜，可以試吓佢另外一杯法式草莓鮮奶。