金寶泰國菜館

Open Now

Now Closed

泰國朋友來港旅遊，佢知道九龍城有一間叫金寶泰國菜館，叫我帶佢去試下，以我所知，金寶都開左好耐，是老字號，餐廳一連有三間舖位，地方整潔，招呼週到。香辣雜錦乾炒河：用正宗泰國河粉炒，炒得夠穫氣和乾身，雜錦材料有蝦、魚柳、魷魚和蔬菜等，味帶辣。泰式海鮮炒飯：飯炒得粒粒分明，香噴噴又夠味，海鮮有蝦、魷魚、魚柳和三色豆。鹽燒側魚，即叫即燒，在魚身上平均塗上粗鹽，再在魚肚放入香茅，之後燒至全熟，魚肉鮮嫩入味，配特製泰式醬汁，味道酸甜帶微辣，十分惹味！紅豆冰：紅豆林甜，加左椰汁味道香甜。泰啤夠冰凍好飲。