薈亞廚房 (Closed)

突然興起好想食泰國菜，所以就去左依間餐廳叫外賣。午市2人套餐都係 $156。有2串沙嗲雞肉串燒肉都幾滑同好味，沙嗲有少少甜味，唔錯嘅味道。我好鍾意泰式酸辣鳳爪，因為酸酸地，非常開胃，鳳爪都好爽。馬拉盞炒通菜嘅份量有好多，菜冇出面嘅餐廳咁鹹，鍾意清淡嘅人會好鍾意，不過佢冇辣味，有少少失望。秘製去骨海南雞嘅肉都幾滑，都幾好味，佢仲配左甜酸蘿蔔，幾開胃。不過油飯冇其他餐廳咁好味，冇咩雞湯味。龍眼冰有好多龍眼肉，佢飲落去唔太甜，感覺幾養生。依家有外賣優惠，粉麵麵唔洗$60，主餐牌外賣甚至有八五折優惠。