泰國廚房 (Closed)

最近想食下泰國餐廳，係朋友介紹之下我黎到呢間泰國廚房。呢間餐廳位置唔算方便，但勝在夠曬泰國風味。餐廳環境佈置咗好多泰國特色擺設，地方亦都夠寬敞。由於泰國餐廳適合一大班人點餐，人數少點餐就比較困難。今次叫左菠蘿海鮮炒飯同馬拉盞炒通菜，服務員都好快手幫我地落單同斟水，值得一讚。等咗約10分鐘，菠蘿海鮮炒飯上枱香氣撲鼻，原個菠蘿加埋海鮮炒飯係泰國餐廳必食之選，然後到馬拉盞炒通菜，味道少少辣令人胃口大開。不過每碟既份量就比較少，胃口比較大既朋友就要叫多幾碟。