小火山 (Closed)

開咗關好多人都去咗泰國玩，而我仲未去到泰國🥲。睇youtuber都有介紹過泰國mookata，係燒肉同打邊爐嘅混合體，勁想試，估唔到香港到有了！😍新開嘅小火山係銅鑼灣，地點方便，環境都幾大幾靚，有泰國叢林風🤣最重要係有冷氣，唔會好似泰國咁熱打邊爐🤣🤣一坐底店員就介紹有3個step，分別係揀肉，揀湯同揀汁。肉可以全豬、全牛同半牛半豬，我地揀咗半牛半豬。而湯我地揀咗牛骨同椰子雞😍啲汁其實全部比哂我地，不過就要小心有啲辣啲，有啲偏甜，啱晒唔同口味嘅人。三味刺身一口杯好refreshing，三文魚、生蝦、同生蠔都好新鮮大舊，加埋甜酸辣汁，好開胃架😍泰式蝦片配冬蔭蛋黃醬蝦片唔肥我真係可以無限食，呢度竟然加埋邪惡嘅冬蔭蛋黃醬🥶 甜多過辣味，食到停唔到口🥲🥲安格斯牛肉豬肉拼盤、黑毛豬梅花肉、北海道新千歲豚肉眼、泰式豬梅花肉片同打邊爐必落嘅金邊粉！豬肉牛肉整體質素都幾好，唔會好有雪味，肥瘦適中，食落唔鞋，對得住個價錢。肉類可以揀燒或者打邊爐，我哋鍾意香口，大部份都拎咗嚟燒，啲油花仲會沿着爐邊流落去打邊爐個湯😝 個湯好正，又吸收哂日月精華🤣🤣 椰子雞湯甜甜地，都好重椰子味，而牛骨湯就濃味，配金邊粉一流😍