泰爽甜

Open Now

Now Closed

其實佢算係呢一區叫做出名嘅泰國菜。我嗰日叫咗一條燒魚，我本身就好鍾意食泰國菜同泰國嘢，一見到條魚肚裏面塞滿生菜，冇乜香料我就有啲唔高興，因為條魚嘅香味好大程度係來自肚裏面嘅香料，你放啲生菜入去咁已經冇乜香味，再加上條魚煮唔熟，因為燒魚係需要比較長嘅時間，泰式燒魚魚身上面會包左一層鹽，響呢度我完全食唔到鹽同香料嘅味道。一般嘅燒魚會燒到會魚身有D燶，同埋咁樣會食到有一啲魚油香。另外我仲叫咗一個生菜包，啲肉碎勁咸（注意返鹹味唔代表叫做有味，冇香料味），炒得比較濕，先唔同佢講正唔正宗，如果啲肉碎有太多水嘅話食起上嚟好唔方便，味道方面，同條魚嘅問題一樣唔夠香料。呢間小店經常都好多人，我唔會認為多人或者少人係可以反映食物好唔好味嘅一個指標，相反佢對面有一間印度嘅小店我覺得非常出色，有機會下次再同大家分享。