Nara Thai Cuisine (港威商場)

Open Now

Now Closed

餐廳環境好有泰國feel，坐得舒服，仲有卡打位影下相，重點有靠窗口座位可以望海景。晚市6點半左右到，餐廳已經坐滿過半。menu好厚因為好多選擇，仲有素食提供添，好貼心。叫左泰式小食拼盤(~$168)，馬莎文咖哩牛腱(~$108)，印度薄餅，椰香奶皇流心湯丸(~$58)，椰青(~$45)，泰式奶茶。入座後有炸蝦片提供，脆口大塊，而且放耐左食，一樣食到chopchop聲。拼盤多元化，擺盤好靚打卡岩哂。泰式小食有荷葉雞、串燒、豬頸肉、雞翼、春卷，每款都有3至4件不等，每樣都有水準。豬頸肉厚切肉嫩，肥瘦適中，再帶少少油脂。而單骨雞翼炸香後，非常香口，配埋附上既泰式甜酸醬一流，唔熱氣。馬莎文咖哩味道非常濃郁，香料味好重，微辣刺激味蕾，而且落左滿滿花生烹煮。牛腱厚切，嫩口唔鞋。望落好多醬汁以為好少肉，但愈食到底，就發現係d醬同肉既顏色好似，所以遮住左，其實好多塊肉，好飽。特登叫左薄餅可以配醬汁食，薄餅卷成花形，所以每卷都厚，所以份量唔可以睇少。中式湯丸就食得多，泰式口味既第一次食。椰汁濃烈，成碗都好係椰奶香味。第一啖食，原來係鹹鹹地既椰奶，但味道完全唔怪，仲好好味。食完成個人都好暖笠笠。小丸子煙煙