泰媽媽雞飯 (創紀之城五期(apm))

Open Now

Now Closed

本來打算食火鍋可惜唔記得預約，改到泰媽媽雞飯餐廳。-星期五假日前夕晚上，全場滿座，自行入座，自行去付款處點餐付款，餐牌一眼可見，款式少。-餐廳係開放式設計，漫畫風格裝修，有趣味性，座位唔多，通道狹窄，店員少，冇服務可言。-無骨海南雞配白飯 （轉雞髀加$5）$65+$5套餐有無骨海南雞，醃青瓜紅蘿蔔，芥蘭，兩款醬汁，油飯，青瓜片。海南雞份量唔多，雞味濃，髀位滑，好食。芥蘭淋上醬汁，微苦。油飯改成白飯，味道正常。醃青瓜紅蘿蔔冇吃。兩款醬汁係薑蓉同酸辣汁，酸辣汁較濃，會蓋過雞味，建議改蘸青瓜片，薑蓉冇吃。-整體而言，冇人帶位，欠清晰指示，需增加人手。味道不錯，以商場消費指數衡量，性價比高。