Video
Read full review
2021-12-10
422 views
記得初初喺灣仔返工果陣有食過呢間餐廳，餐廳名係「食飯」 ，簡單易記：今日又去「食飯」食飯lu~~呢間係一間泰國菜餐廳，當日中午去到門口，已經有好幾個人排緊隊；對上一次嚟嘅時候都係咁，足見佢嘅受歡迎程度！好彩餐廳有兩層，我地等左3分鐘左右就入得，並獲安排坐上層一張四人枱；環境嚟講，四面牆身都有好多泰國風嘅裝飾，好有民族風情；雖然地面一層嘅裝修較華美，但同時亦較擁擠，俾我揀都係寧願行上一層，坐得舒服啲好過！食物方面，我點左泰國船麵套餐，配泰式熱奶茶，盛惠$78。味道嚟講我會覺得湯底係最吸引，簡直係成碗麵嘅精華所在！份量嚟講普普通通，男士嚟講未必夠食；不過杯野飲係意外地大杯(我嗌熱飲，估唔到都同凍飲一樣咁大杯！)食飯時候，各位經過「食飯」不忘入去食餐飯喇！
呢間係一間泰國菜餐廳，當日中午去到門口，已經有好幾個人排緊隊；對上一次嚟嘅時候都係咁，足見佢嘅受歡迎程度！
好彩餐廳有兩層，我地等左3分鐘左右就入得，並獲安排坐上層一張四人枱；環境嚟講，四面牆身都有好多泰國風嘅裝飾，好有民族風情；雖然地面一層嘅裝修較華美，但同時亦較擁擠，俾我揀都係寧願行上一層，坐得舒服啲好過！
食物方面，我點左泰國船麵套餐，配泰式熱奶茶，盛惠$78。味道嚟講我會覺得湯底係最吸引，簡直係成碗麵嘅精華所在！份量嚟講普普通通，男士嚟講未必夠食；不過杯野飲係意外地大杯(我嗌熱飲，估唔到都同凍飲一樣咁大杯！)
食飯時候，各位經過「食飯」不忘入去食餐飯喇！
135 views
0 likes
0 comments
Post
