四面泰泰式火鍋

Open Now

Now Closed

近排聽朋友講，啟德有一間勁好食嘅泰國打邊爐店，於是今日收工就特登過嚟食，一入嚟已經俾個裝修經驗度，感覺真係打卡餐廳，裝修環境勁靚，不過最令我驚喜嘅，就係店員同我哋講呢度嘅泰式蝦片係無限添加嘅，對於我呢個咁鍾意食蝦片嘅人嚟講，真係好興奮，加埋呢度嘅蝦片全部都係脆卜卜，勁好食。睇咗餐牌一陣，都覺得所有嘢都好似好想食，問店員有咩推介，佢就話呢度通常啲人都一定會叫佢哋個王牌寶藏海鮮手工金盒，因為可以配鴛鴦鍋。我同朋友諗咗一陣之後，決定要一個辣一個唔辣，所以最終要咗慢燉牛板腱清湯鍋拼冬蝦蔭功鍋。我朋友直程當湯咁樣飲咗個冬陰功湯底，但我自己就比較鍾意個清湯鍋，因為覺得佢夠鮮甜。不過呢間餐廳真係要表揚一下，加湯底嘅時候真係加湯，唔係淨係加熱水。沙爹牛肉串好肥美，牛肉嘅口感亦都好好，感覺就好似真係去咗泰國街頭食小食咁。食到最後都想食返啲肉，所以就叫咗個美國特色肥牛。呢度一份肉嘅份量都唔細，都幾抵食。本來已經好飽，但係店員推介我哋叫招牌椰皇凍。好彩有聽話，因為真係太好食，好重椰汁味，吸睛又好食。最後都要講埋，呢度嘅飲品其實都勁靚，感覺真係去咗泰國度假咁樣。