Video
Read full review
2022-11-16
1507 views
二訪九龍城嘅泰國素食。餐牌上嘅菜式同我之前黎嘅時候差不多，但午餐嘅價錢統一加到$60，而其他小食同主食嘅價錢都加咗價。午餐: (送飲品-洛神花汁 Roselle)泰式炒金邊河粉 ($60)Pat Thai In Flat Noodles之前睇openrice嘅相以為冇咩配料，味道比較淡，點知食落好有驚喜。金邊河粉味道酸酸甜甜，似咕嚕肉嘅汁，配料有素肉(口感類似素咕嚕肉)、豆腐 (炸豆腐切條)、豆角，旁邊仲有花生碎、青檸等食材提供以自行調味，加入幾滴青檸後味道更加清新，增加咗泰式嘅風味。蝦餅拼魚餅 ($60)Deep fried fish & prawn cake蝦餅外脆內軟，質感類似薯蓉，再撈埋爽口嘅食材，例如青瓜粒、粟米粒同類似蓮藕嘅配料。魚餅就比較普通，用素肉漿整成，再撈埋豆角粒。本身兩者嘅味道都唔太濃，沾上旁邊嘅醬汁黎食，味道會變得酸酸哋。柚子沙律 ($70)Pomelo salad初頭我哋唔識食，以為柚子沙律只係將柚子肉撈埋紅辣椒碎同腰果就算，質感比較乾而且冇咩特色，點知食到一半先發現原來底下嘅醬汁比生菜蓋住咗，要撈埋底下嘅醬汁一齊食。醬汁花生味偏重，仲有少少花生碎，成碟沙律即
午餐: (送飲品-洛神花汁 Roselle)
泰式炒金邊河粉 ($60)
Pat Thai In Flat Noodles
之前睇openrice嘅相以為冇咩配料，味道比較淡，點知食落好有驚喜。金邊河粉味道酸酸甜甜，似咕嚕肉嘅汁，配料有素肉(口感類似素咕嚕肉)、豆腐 (炸豆腐切條)、豆角，旁邊仲有花生碎、青檸等食材提供以自行調味，加入幾滴青檸後味道更加清新，增加咗泰式嘅風味。
蝦餅拼魚餅 ($60)
Deep fried fish & prawn cake
蝦餅外脆內軟，質感類似薯蓉，再撈埋爽口嘅食材，例如青瓜粒、粟米粒同類似蓮藕嘅配料。魚餅就比較普通，用素肉漿整成，再撈埋豆角粒。本身兩者嘅味道都唔太濃，沾上旁邊嘅醬汁黎食，味道會變得酸酸哋。
柚子沙律 ($70)
Pomelo salad
初頭我哋唔識食，以為柚子沙律只係將柚子肉撈埋紅辣椒碎同腰果就算，質感比較乾而且冇咩特色，點知食到一半先發現原來底下嘅醬汁比生菜蓋住咗，要撈埋底下嘅醬汁一齊食。醬汁花生味偏重，仲有少少花生碎，成碟沙律即刻好食咗好多。不過個人覺得價錢偏貴。
椰青 ($40)
Young Coconut
Post
