人和月雞煲火鍋店 (Closed)

之前聽朋友介紹尖沙咀有間性價比幾高的火鍋放題，聽到佢咁講真係搞到我呢個火鍋控立即心心眼，我呢啲行動派架立即約朋友去試下係米真係朋友所講咁正啦。所以今日放工就約朋友到尖沙咀海防道”人和月雞煲火鍋店” 去試係米好似朋友眼中講得咁好，我地就選左果”椰青香芧香檸烤魚、湯底好有泰式Feel，通常食烤魚煮法多數都係四川麻辣味道，但冇諗到泰式湯底配上烤魚都好夾。而我地今次就選左{$298 - Set A – 精選牛肉食到飽}，牛肉類都幾多有牛下肩、牛板鍵、牛胸爽、金錢展及雪花肥牛等，而食完烤魚可以換湯底打邊爐，咁我地就選左麻辣湯，火鍋類種類都幾多。丸類及菜類等都係自助式比你自己夾。甜品方面除左有雪糕外，重有棉花糖機、涼粉及有我最愛的芋圓，雖然打邊爐已經好飽，當我一見到有芋圓都引唔住要食返碗。