小火山 (Closed)

之前食過泰式烤鍋晚餐，好鍾意，今次試埋小火山嘅lunch！餐廳嘅平日午市套餐可以自選湯底同配料，而假日可以點低至$16一碗嘅小船麵！配埋泰式小食一流～湯底方面，牛骨船湯非常濃郁但唔會過鹹，配肥牛食一流～ 香茅椰汁雞湯都唔錯，酸酸地幾開胃同埋好滋潤。配料方面，美國肥牛非常值得點，唔多肥膏而且有咬口，而牛丸都幾彈牙。金邊粉索曬牛骨湯嘅精華好滋味😋飲品點咗芝士奶蓋泰式奶茶同埋奶綠，奶蓋用泰國淡忌廉同忌廉芝士，非常特別。