Video
Read full review
2022-05-31
575 views
中午同同事行咗去厚福街嗰邊食晏，想食得輕盈啲，所以揀咗食麵🍜，幫襯「船皇」。有時經過見到要等位，但今日好好彩可以直入！餐廳顧名思義係食船麵⛵️，但同時亦注入港式車仔麵嘅元素，即係可自選湯底、麵底再加餸。喺尖沙咀區嚟講，佢定價唔算貴，三餸麵$48。我哋嗌咗兩碗麵同兩個小食，人均消費七十蚊都唔使。份量正正常常啦，男仔就可能要加底🙈。正宗船皇牛骨湯河粉，🐮牛骨湯色水好深，味道好濃稠，濃濃泰式風情。麵底要咗河粉，但同認知中嘅好唔同，因為佢係塊狀，有啲似日本嘅白布烏冬，口感好得意呢。餸料方面，我哋要咗魷魚鬚、竹笙同牛柏葉，幾款料都係索湯之選，而魷魚就好鬼爽彈🦑。每碗湯麵均配有通菜同芫荽，但就無蔥，非常好。泰式香濃沙爹湯米粉，沙嗲湯同港式嘅大不同，佢唔係杰撻撻嗰種，反而仲帶少少酸辣味🌶，米粉就屬正常發揮啦。餸料方面，我哋要咗美國安格斯肥牛片、泰式牛肉丸同鹵水雞翼，配料分$8同$10，但兩者均可自由搭配。🥩肥牛片有好多片，但牛丸就似魚蛋多啲，有少許失望。蝦卷($22)，佢其實係泰式炸春卷，而中間就再多隻鮮蝦🍤。春卷炸皮酥脆得嚟唔油膩，係既簡單又香口嘅小食。泰式秘醬通菜($14)，💚通菜菜葉比較多，可能
中午同同事行咗去厚福街嗰邊食晏，想食得輕盈啲，所以揀咗食麵🍜，幫襯「船皇」。有時經過見到要等位，但今日好好彩可以直入！
餐廳顧名思義係食船麵⛵️，但同時亦注入港式車仔麵嘅元素，即係可自選湯底、麵底再加餸。喺尖沙咀區嚟講，佢定價唔算貴，三餸麵$48。
我哋嗌咗兩碗麵同兩個小食，人均消費七十蚊都唔使。份量正正常常啦，男仔就可能要加底🙈。
正宗船皇牛骨湯河粉，🐮牛骨湯色水好深，味道好濃稠，濃濃泰式風情。麵底要咗河粉，但同認知中嘅好唔同，因為佢係塊狀，有啲似日本嘅白布烏冬，口感好得意呢。餸料方面，我哋要咗魷魚鬚、竹笙同牛柏葉，幾款料都係索湯之選，而魷魚就好鬼爽彈🦑。每碗湯麵均配有通菜同芫荽，但就無蔥，非常好。
泰式香濃沙爹湯米粉，沙嗲湯同港式嘅大不同，佢唔係杰撻撻嗰種，反而仲帶少少酸辣味🌶，米粉就屬正常發揮啦。餸料方面，我哋要咗美國安格斯肥牛片、泰式牛肉丸同鹵水雞翼，配料分$8同$10，但兩者均可自由搭配。🥩肥牛片有好多片，但牛丸就似魚蛋多啲，有少許失望。
蝦卷($22)，佢其實係泰式炸春卷，而中間就再多隻鮮蝦🍤。春卷炸皮酥脆得嚟唔油膩，係既簡單又香口嘅小食。
泰式秘醬通菜($14)，💚通菜菜葉比較多，可能唔係平日食開嘅品種，但質感都算爽脆，而且秘製海鮮辣醬幾惹味。
凍泰式奶茶(+$14)，泰式奶茶係我至愛🇹🇭，而且佢仲要無落冰，唔會因溶冰而溝淡，甜度適中，茶底唔澀，好飲🤤。
總括嚟講，如果想食個泰式風味嘅車仔麵可以嚟呢度🚗，晚市嚟的話更可幫襯埋串燒，睇餐牌好似都係十幾蚊就有交易添。
Post
