泰廳 (Closed)

一直以來，泰國菜都係我嘅favorite。 慢慢發覺 ，原來元朗都開咗越嚟越多嘅特色泰菜。今日無意之間經過，見到元朗嘅泰廳原來搬咗位置，於是就心思思想入去試一試。午市套餐選擇都有好多，例如一般嘅撈檬，湯河，又或者炒粉麵。星期一至五仲做緊一個優惠，可以加十幾蚊加配一啲小食。最後就揀咗香葉肉碎煎蛋燴飯。因為怕分量太少，最後加咗一個泰式鳳爪。後來發現呢個選擇好唔明智。等咗唔使4分鐘左右，個飯已經到咗。份量係超級之大，無論係豆角，肉碎，醬汁，定係飯互相配合之下非常之夾。有少少微辣 ，食得出用咗好多香料，好簡單但好滿足。發現自己食咗一半已經非常之飽，最後打包鳳爪做下午茶