Orange Elephant Thai Restaurant (博文街) (Moved) New Location

朋友想食泰國菜，好耐無見就下佢近近地，去左佢住所附近大角咀泰國菜餐廳開飯。餐廳環境光鮮，食客唔多隔枱坐，餐筷備有滾水沖洗，小店注重衛生可安心食。我地去到先知餐廳原來有一蚊雞優惠，侍應提點可點當日指定優惠美食，好抵食。黃咖喱雞(優惠價) $1咖喱香而不辣有椰香味，醬汁較稀身不油膩撈白飯正，雞肉嫩口，仲有薯仔、紅蘿蔔、洋蔥等配料都幾好味。雜錦串燒半打 $83雞豬各三，串燒肉嫩有肉汁好易撕開，面層有黑胡椒碎食落好惹味，蘸埋沙嗲醬花生味好香好有風味。椰青焗海鮮飯 $104原個椰青窒塞滿大堆飯份量唔少，椰漿滿瀉望見流晒口水，飯粒粒分明而且食落啖啖椰青水清香，蝦肉彈牙，魷魚鬚軟身易嚼，仲有椰肉絲、腰果、三色豆等，好多配料食落口感豐富。泰式明爐烏頭魚 $169肥美的烏頭魚以泰式酸梅湯浸煮，湯底清魚肉質嫩，酸酸地幾開胃，明火熱住下魚肉酸甜好入味無泥味，大量香蔥、秀珍菇、椰菜、肉碎好多配料食。椰汁珍多冰 $28 泰菜特式飲品當然要飲番杯，椰汁清甜可口，仲有軟滑的綠豆粉條、阿答子、大樹菠蘿口感豐富，有得飲有得食。菠蘿冰$28新鮮菠蘿製沙冰口感細膩，味道清甜飲落有幾分涼意，爽呀。