鼎豐雞煲泰國菜 (Closed)

陪朋友去金都睇完結婚野，近近地，就黎左呢度食飯。佢地有雞煲同泰菜食。天氣熱，所以我地叫左泰式野食。叫左個鮮芒蟹肉炒飯、青咖喱雞肉蚊米同炸魚餅。鮮芒蟹肉炒飯炒得唔會太過干，蟹肉夠鮮味，加埋芒果，酸酸甜甜，層次多元。炸魚餅咬落彈牙，微辣唔太油。青咖喱雞肉炆米，未食已經聞到香濃既金不換、青咖喱同椰汁味，雞肉夠嫩滑，青咖喱亦完全溶入米粉度，每一啖都咁惹味。另外要左個椰青，有得飲又有肉食。除左有美食，間鋪頭地方闊落，坐得又舒服，店員亦好好禮貌，好啱成班朋友一齊食嘢。