Video
Read full review
2015-10-09
327 views
旺角…俾大家嘅感覺係……好多自由行、金鋪、藥房(7仔同OK都開始唔再有間喺左近)，所以我同朋友聚會都開始向尖沙咀方向移去~今日食咩﹖登……登……泰國嘢……我其實真係好鍾意食泰國嘢，不過親身去泰國食我又麻麻地，所以唯有喺香港食泰國美食今晚嚟呢間都係朋友負責訂，尖咀我真係唔係好熟有咩好食~餐廳位於金馬倫道大概街尾，去到門口，覺得感覺唔錯，近門口已經係魚生海鮮吧，會見到好多新鮮海鮮任君選擇~菠蘿冰 - 哈哈，唔知點解去親泰式餐廳我都係飲菠蘿冰，者係好似我去馬來西亞一定飲美綠一樣生醃瀨尿蝦 - 平時食泰式生蝦多，生醃瀨尿蝦真係第一次，又估唔到啲肉都係好鮮甜，不過就冇生蝦咁爽口彈牙，不過呢個新嘗試絕對好味魚生拼盤 - 嘩……呢個魚生拼盤真係好大堆頭，有6款魚生，象拔蚌、帶子、三文魚、𩶘魚、蟶子、生蝦，所有魚生都好新鮮，平時我地食刺身，多數都係沾豉油、日式芥辣，但係今次就唔係，今次我地係沾泰式辣汁，但係絕對估唔到，原來三文魚同呢D泰式汁都好夾，朋友本來重擔心會好怪，但係一沾，都覺得唔錯~生醃奄仔蟹 - 其實呢個同韓式醬油蟹差唔多，不過就冇醬油蟹咁鹹，如果你問我，我覺得呢個好食過醬油蟹，醬油蟹果次食
今日食咩﹖登……登……泰國嘢……
我其實真係好鍾意食泰國嘢，不過親身去泰國食我又麻麻地，所以唯有喺香港食泰國美食
今晚嚟呢間都係朋友負責訂，尖咀我真係唔係好熟有咩好食~
餐廳位於金馬倫道大概街尾，去到門口，覺得感覺唔錯，近門口已經係魚生海鮮吧，會見到好多新鮮海鮮任君選擇~
菠蘿冰 - 哈哈，唔知點解去親泰式餐廳我都係飲菠蘿冰，者係好似我去馬來西亞一定飲美綠一樣
生醃瀨尿蝦
$168
16 views
0 likes
0 comments
生醃瀨尿蝦 - 平時食泰式生蝦多，生醃瀨尿蝦真係第一次，又估唔到啲肉都係好鮮甜，不過就冇生蝦咁爽口彈牙，不過呢個新嘗試絕對好味
魚生拼盤
$458
27 views
0 likes
0 comments
魚生拼盤 - 嘩……呢個魚生拼盤真係好大堆頭，有6款魚生，象拔蚌、帶子、三文魚、𩶘魚、蟶子、生蝦，所有魚生都好新鮮，平時我地食刺身，多數都係沾豉油、日式芥辣，但係今次就唔係，今次我地係沾泰式辣汁，但係絕對估唔到，原來三文魚同呢D泰式汁都好夾，朋友本來重擔心會好怪，但係一沾，都覺得唔錯~
生醃奄仔蟹 - 其實呢個同韓式醬油蟹差唔多，不過就冇醬油蟹咁鹹，如果你問我，我覺得呢個好食過醬油蟹，醬油蟹果次食有啲腥，呢個我真係食唔到腥味~蟹殼入面啲肉，一啜就可以啜出嚟，真係好爽XDXD
泰式古魚柚子沙律 - 柚子沙律好多時我食都係跟蝦，今次呢個就跟炸魚，本來以為佢係炸魚，應該會好“鞋”，但係又唔係喎，個魚炸完都重好滑，當然，小翼我一向都唔好酸味太重嘅嘢，呢個出面有啲會好酸，但係呢個就啱啱好
泰式芝士焗大頭蝦
$168
45 views
1 likes
0 comments
冬蔭公海鮮湯 - 平時我同朋友、屋企人食泰國嘢，都係冬蔭公湯唔會飲，但係呢個我見佢同平時嗰啲好似有啲唔同，就即管試吓，點知，一飲，酸味唔重，可能因為落左比例比較多嘅椰奶，所以沖淡咗辣味同酸味，可能對冬蔭公愛好者嚟講，呢個未必啱佢地口味，但係……就啱我口味XDXDXD
泰國爆炸辣蟹 - 大大隻肉蟹，嗯……我覺得如果再辣多少少就會重好，不過朋友都話已經太辣，外面啲香料有啲似係淮鹽，好好味，啖啖肉~~
泰園豆腐煲 - 個豆腐係玉子豆腐，好少食豆腐煲用玉子豆腐，另外有豬肉碎、粟米粒、青豆、紅蘿蔔粒，呢個如果有碗飯撈嚟食就一流~
炭燒豬頸肉 - 燒得啱啱好，唔會太燶，沾汁如果辣少少會重好味~~
西瓜豆腐綿綿冰 - 朋友點咗個榴槤味……我呢啲唔係榴槤嘅梗係點返個正常嘅綿綿冰食喇，其實食食吓已經好飽，但係……甜品係第二個胃食架嘛XDXD雖然唔係太重豆漿味，全晚都食咗咁多濃味食物，呢個綿綿冰清清淡淡，可以中和返
Post
