Video
Read full review
2019-01-29
62 views
去紅磡探朋友,佢話有間好好食,環境又好舒服既西餐廳,就帶我去試下,係何文田B2出口3分鐘就到,好就腳.餐廳裝修好有格調,加上枱與枱之間相隔好遠,唔會逼,好有空間感,播住輕快既音樂,牆上掛住好有特色既狗狗畫,成個人即刻放鬆曬.餐牌係用平板電腦Display,好高級,好環保.特別推介Dinner Set,Main Dinner加HK$60就有齊前菜,湯,法包,主食,Drink,好超值.我地叫左煙三文魚沙律,粟米茸忌廉湯+黑松露芝士法包,香煎羊扒配薄荷燒汁,北海道Oreo芝士千層蛋糕,柚子蜜.另外加個雙重芝士夏威夷千島Pizza.煙三文魚沙律, 三文魚卷成玫瑰花形狀,周圍有好多沙律菜,蕃茄仔,賣相超靚,三文魚既煙燻效果做得好好,魚質仲好嫩滑,沙律菜好爽脆,點上沙律醬,好好味.粟米茸忌廉湯+黑松露芝士法包, 粟米茸打得好細緻,口感好Creamy, 忌廉又唔會蓋左粟米既香甜,好夾.法包超有驚喜,外脆內軟,加左黑松露.芝士同黑松露既配合原來咁好味,變得高級好多.香煎羊扒配薄荷燒汁,有3大件羊扒,有好多配菜,西蘭花,沙律菜,烤薯仔,紅蘿蔔,好健康.我地叫左8成熟,羊扒煎得好香,切開見到色澤好均勻,仲
餐廳裝修好有格調,加上枱與枱之間相隔好遠,唔會逼,好有空間感,播住輕快既音樂,牆上掛住好有特色既狗狗畫,成個人即刻放鬆曬.餐牌係用平板電腦Display,好高級,好環保.特別推介Dinner Set,Main Dinner加HK$60就有齊前菜,湯,法包,主食,Drink,好超值.我地叫左煙三文魚沙律,粟米茸忌廉湯+黑松露芝士法包,香煎羊扒配薄荷燒汁,北海道Oreo芝士千層蛋糕,柚子蜜.另外加個雙重芝士夏威夷千島Pizza.
煙三文魚沙律, 三文魚卷成玫瑰花形狀,周圍有好多沙律菜,蕃茄仔,賣相超靚,三文魚既煙燻效果做得好好,魚質仲好嫩滑,沙律菜好爽脆,點上沙律醬,好好味.
粟米茸忌廉湯+黑松露芝士法包, 粟米茸打得好細緻,口感好Creamy, 忌廉又唔會蓋左粟米既香甜,好夾.法包超有驚喜,外脆內軟,加左黑松露.芝士同黑松露既配合原來咁好味,變得高級好多.
香煎羊扒配薄荷燒汁,有3大件羊扒,有好多配菜,西蘭花,沙律菜,烤薯仔,紅蘿蔔,好健康.我地叫左8成熟,羊扒煎得好香,切開見到色澤好均勻,仲有粉紅色,入口嫩滑,好有油香,點薄荷燒汁,好清新.烤薯仔好厚肉,西蘭花食得出係用海鮮湯煮過,有鮮味,成個主菜超正.
雙重芝士夏威夷千島Pizza,成個Pizza都鋪滿煙肉,鮮蜜桃,粟米粒,芝士粒,好足料.咁多既配料又唔會搶左芝士既香味,酸酸甜甜既千島醬同芝士配合得好好,上面仲有原粒芝士,食落好滑身,好有芝士奶香,批邊都做得好脆, 芝士控一定要試,我地都覺得超級好味.
北海道Oreo芝士千層蛋糕,靚到成件藝術品咁, 睇得出師傅好用心擺碟,我地要瘋狂影相, 蛋糕層次分明,真係數唔到幾多層.奶味,Oreo,芝士混合一齊,好食到難以形容,唔會太甜,真係停唔到口,仲有提子,士多啤梨,藍莓,好新鮮.每道菜都睇得出師傅好用心去做,擺碟,用料,味道都超水準,份量又大,足夠2個人食,Waiter又Nice,地方又寛又寧靜,感覺心靈同個胃都得到滿足.好有良心既特色小店.
Post
