大飯糖甜品小食屋 (Moved) New Location

雖然家住元朗，但平日真係好少去洪水橋呢一邊，難得今日去開洪水橋搵朋友，同朋友就嚟食個糖水聚聚舊傾傾計。一打開餐牌真係有啲驚訝，估唔到門面唔係特別靚仲有少少舊式感覺嘅糖水店，餐牌上竟有咁多糖水嘅款式，真係睇到我眼花撩亂，同朋友揀咗好耐心大心細都唔知食邊款好，最後揀咗心太軟配榴槤肉，仲有一個叫唔知乜嘢爺爺嘅椰王，仲有啲口渴所以叫咗一杯西瓜汁。心太軟做得好好，真係做到心太軟嘅效果。另外兩款亦好好食，算係有驚喜嘅糖水舖，因為而家好多糖水舖質素下降，要搵到好食嘅糖水真係唔易。