Video
Read full review
2022-11-06
843 views
實不相瞞，洪水橋係我長大嘅地方，直至讀完書之後先開始搬開去其他地方住。間中會回家探望兩老，現在都會回去走走，印象中餐廳食肆選擇不多。最近返去探家姐，居然發現樓下新開了一間米綫鋪，喜愛食米綫嘅我當然要去試下。加上咁啱天氣凍凍地，食番碗熱辣辣嘅米綫，正好暖下胃。餐廳地點算方便，正正洪水橋輕鐵站旁不遠處。據了解店舖新開張大概數個月，環境整體來說是整潔乾淨。除米綫外，亦有飯及小食供應。一餸米綫$42，加餸每款加$10。我選了中辣酸辣湯底，配香辣腩肉、香茅豬扒及豬頸肉。跟餐加$3點了凍奶茶。另外，再要了一份中辣家鄉手絲雞小食（$40），合共盛為$105、價格算合理。米綫及餸份量頗多，豬頸肉必食之一，爽口好味。而我至愛嘅腩肉，個人覺得要有皮先至夠正。呢度嘅腩肉有皮有肥，仲有陣陣五香味，十分不錯，亦都係必食之選。至於豬扒本人覺得比較淋，味道帶微茅香味，如果重一點茅香味就更佳了。湯底方面夠濃香，至於米綫就偏淋，若果朋友仔喜歡較爽口，建議可以落單時告訴店員可否調較。配菜方面有酸菜及肉碎，如果可以再多少少配菜會更惹味。《家鄉手絲雞》，肉質偏淋，調味夠香不太辣，配上蔴醬更香濃，味道不錯，可以一試。
最近返去探家姐，居然發現樓下新開了一間米綫鋪，喜愛食米綫嘅我當然要去試下。加上咁啱天氣凍凍地，食番碗熱辣辣嘅米綫，正好暖下胃。
餐廳地點算方便，正正洪水橋輕鐵站旁不遠處。據了解店舖新開張大概數個月，環境整體來說是整潔乾淨。除米綫外，亦有飯及小食供應。
一餸米綫$42，加餸每款加$10。我選了中辣酸辣湯底，配香辣腩肉、香茅豬扒及豬頸肉。跟餐加$3點了凍奶茶。另外，再要了一份中辣家鄉手絲雞小食（$40），合共盛為$105、價格算合理。
米綫及餸份量頗多，豬頸肉必食之一，爽口好味。而我至愛嘅腩肉，個人覺得要有皮先至夠正。呢度嘅腩肉有皮有肥，仲有陣陣五香味，十分不錯，亦都係必食之選。至於豬扒本人覺得比較淋，味道帶微茅香味，如果重一點茅香味就更佳了。
湯底方面夠濃香，至於米綫就偏淋，若果朋友仔喜歡較爽口，建議可以落單時告訴店員可否調較。配菜方面有酸菜及肉碎，如果可以再多少少配菜會更惹味。
《家鄉手絲雞》，肉質偏淋，調味夠香不太辣，配上蔴醬更香濃，味道不錯，可以一試。
Post
