Video
Read full review
2021-12-06
1910 views
幾個月前試過呢間流水蝦，覺得好新奇，今晚收工又去返尋味！呢間流水蝦位於觀塘開源道，係食燒烤放題，任飲任食2.5小時，平日晚市黃金時段6到10點，成人每位折實連加一$279。流水蝦當然主打流水蝦。即係自己可以係個位隔離魚缸度即夾即燒生猛大頭蝦，自己用夾夾啲蝦上黎，先放喺冰上面整暈佢，之後先燒。叫得大頭蝦，果然蝦頭又大又有好多膏又多汁，雖然身體就細細隻，肉質好嫩滑，蝦殼又香又脆，仲有蝦籽食。啲大頭蝦堅生猛，到後期啲冰融融哋唔係好整得暈啲蝦，啲蝦直頭喺個熱爐上面彈吓彈吓。首先服務員放低11隻椒鹽大頭蝦喺個爐上面，椒鹽味調得好，好香但係唔過鹹。蝦殼好脆，某啲蝦頭仲有橙紅色嘅膏㖭。仲送海鮮船同美國Prime級牛肉。海鮮船賣相幾靚，有以下海鮮：連殼鮑魚兩隻：非常鮮甜嫩滑連殼扇貝兩隻：鮮甜又唔太韌連殼大蜆兩隻同幾隻細蜆：鮮甜不過太迷你 白鱔兩塊：雖然非常迷你，不過彈牙又鮮甜美國Prime級牛肉美國Prime級牛肉有牛7塊（如果個爐頭勁d，快熟d會好食d），同牛粒7粒（肉汁豐富牛味濃，不過要咬）。今次被安排坐喺另一個場，都有飲品同雪糕櫃，不過其他食物要行去隔離主場攞。海鮮同肉類除左以上食物，自助雪櫃有
流水蝦當然主打流水蝦。即係自己可以係個位隔離魚缸度即夾即燒生猛大頭蝦，自己用夾夾啲蝦上黎，先放喺冰上面整暈佢，之後先燒。
叫得大頭蝦，果然蝦頭又大又有好多膏又多汁，雖然身體就細細隻，肉質好嫩滑，蝦殼又香又脆，仲有蝦籽食。
大頭蝦
43 views
0 likes
0 comments
大頭蝦
15 views
0 likes
0 comments
啲大頭蝦堅生猛，到後期啲冰融融哋唔係好整得暈啲蝦，啲蝦直頭喺個熱爐上面彈吓彈吓。
大頭蝦
36 views
0 likes
0 comments
首先服務員放低11隻椒鹽大頭蝦喺個爐上面，椒鹽味調得好，好香但係唔過鹹。蝦殼好脆，某啲蝦頭仲有橙紅色嘅膏㖭。
椒鹽大頭蝦
39 views
0 likes
0 comments
仲送海鮮船同美國Prime級牛肉。
海鮮船
25 views
0 likes
0 comments
海鮮船賣相幾靚，有以下海鮮：
海鮮船
20 views
0 likes
0 comments
連殼扇貝兩隻：鮮甜又唔太韌
連殼大蜆兩隻同幾隻細蜆：鮮甜不過太迷你
白鱔兩塊：雖然非常迷你，不過彈牙又鮮甜
美國Prime級牛肉
美國Prime級牛肉有牛7塊（如果個爐頭勁d，快熟d會好食d），同牛粒7粒（肉汁豐富牛味濃，不過要咬）。
今次被安排坐喺另一個場，都有飲品同雪糕櫃，不過其他食物要行去隔離主場攞。
海鮮同肉類
除左以上食物，自助雪櫃有海鮮同肉類俾你自己夾，包括青口，蜆，魷魚，秋刀魚，鯖魚，墨魚仔，章魚，肥牛，豬肉，豬肋骨，雞肉，唔同調味嘅雞翼，串燒，蟹柳，9款丸類，腸仔，午餐肉等。
今次居然見到有蠔食，手快有手慢冇。雖然啲蠔好似雪到好實，不過味道唔錯，如果質地可以實啲仲好。
椒鹽雞軟骨
12 views
0 likes
0 comments
今次居然有椒鹽雞軟骨，好香脆又唔過鹹，又易熟，我哋大量燒黎食。
當然都有蔬菜，包括娃娃菜，金菇，雞脾菇，啡菇，茄子，翠玉瓜，秋葵，粟米，紫薯，蔥，金菇肥牛卷，另外仲有麵包，菠蘿。娃娃菜同金菇用錫紙包住，加左少少蒜蓉汁調味。
自助炸物有六款，包括好香脆既蝦片，魷魚圈，餃子，雞塊，春卷，三角雲吞。
自助熱食有兩款，包括香腸同芝士焗豬扒飯。但求等食物燒熟又肚餓時，可以頂頂肚。
仲有湯同白飯。
沙律有大大兜新鮮沙律菜同車厘茄俾你自己攞。
水果有西瓜粒，蜜瓜粒，同哈蜜瓜粒，質素正常。
自助甜品有好多款：
馬卡龍
8 views
0 likes
0 comments
馬卡龍：至少見到五款口味，包括士多啤梨，綠茶，雲呢拿，朱古力同檸檬，質素好好，外脆內煙韌，唔算太甜，層果沾都幾厚，喜出望外。
日式和菓子兩款
泡芙
朱古力手指泡芙
朱古力糯米糍
朱古力蛋糕
包裝雪糕球：用膠袋包裝嘅雪糕球，有5款口味，包括榴槤，熱情果，朱古力，雲呢拿，曲奇忌廉。曲奇忌廉好好味，值得encore嘅雪糕。另外仲有4款細杯裝雪糕，包括比利時焦糖餅，芒果，冲繩海鹽，菠蘿梛子。菠蘿梛子好正，味道好自然，值得encore。冲繩海鹽係海洋嘅藍色，少少鹹，味道適中。比利時焦糖餅焦糖味好重。芒果味似牛奶公司。
雪糕
7 views
0 likes
0 comments
水果同甜品都係一兜兜用有蓋膠盒装好，唔環保不過好衛生又易攞。
自助飲品櫃有汽水，各款韓式飲料，王老吉，各款楊協成，多款包裝果汁等。
有6色調味架自助，不過我哋冇用到，都係食食物本身鮮味就夠。枱上面有三色調味料，膠手套同紙巾，方便衛生。
呢餐係幾好玩既，2個半鐘必夠食飽。冷氣好勁，吹正我哋個爐，如果個爐勁啲就好啦。
Post
