第一蠔粉麵 (Closed)

估唔到喺太子可以食到流浮山既鮮蠔同金蠔，幾驚喜。因為我未食過流浮山既蠔，所以唔知係咪真係因為好好味所以而出名。而且我其實未食過金蠔，所以都幾期待呢。餐廳喺正太子地鐵站出口，位置唔難搵。一入到去以為餐廳好細間，原來仲有上層，所以見到地面滿座唔洗驚，可能上樓仲有位。我外賣左個鴛鴦蠔湯米線，感覺金蠔比鮮蠔更好味，蠔味更濃。金蠔口感唔會太乾硬， 但反而個鮮蠔會硬過金蠔。蠔身大細適中，如果可以再大粒啲就好啦！湯底好有蠔味，我鍾意。