霞飛點心拉麵 (Closed)

因為加班至9點，去到霞飛都唔算多人等位，只係等侍應執枱後就可以入去。第一款上菜既係鎮江肴肉，配以薑絲浙醋。頂層似果凍，底層肴肉實正，無粉/黏口的感覺，係是日晚餐最好味的一道菜。蔥爆羊肉本來就已經好惹味，加埋芹菜，味道更加濃郁，好可惜呢次的確太咸了，就算我地有炒飯一齊食都覺得好咸!呢走糯米燒賣都OK，皮夠薄，而且好有糯米香味，糯米又唔會太硬! 不錯!濃湯牛肉餡餅，我家人一致讚好，湯汁濃郁，咬落去好多肉汁，不過可能我個人對餡餅既皮無太大興趣，自覺一般。