豚道樂 (百合苑商場) (Closed)

朋友住黃埔，成日提及九號水產多左幾間食肆值得去試。今晚就去了豚道樂試拉麵，朋友揀左推介的特上之選黑松露醬油豚骨拉麵 ($108)，每人一張點菜單，還可選麵質同追加配料，朋友先選了直麵，硬質及有辣醬，拉麵上枱見到一大隻帶子，半生熟帶子, 夠鮮味；旁邊還有黑松露醬，香氣撲鼻，我也忍不住先偷飲一啖湯，帶黑松露味的豚肉湯，肉味香濃，到試下拉麵，好煙韌，可掛湯，豚肉也有兩個部位豬肩肉和豬腩肉，是半肥瘦的，味道更鮮味！ 配料方面,有溏心蛋做到晶瑩剔透, 蛋味香還有木耳絲爽脆。豬腩肉肉質有嚼口，燒焦面更香。豬肩肉較嫩滑稔身。另外我叫了黑蒜油拉麵$80，呢碗叫了曲麵，麵質更有彈性，湯味帶陣陣蒜香。豚肉同樣有豬肩肉和豬腩肉，比想像中多，各有兩塊。小吃都叫了三款，有蜜糖咖哩炸雞中翼 ($40)好脆口，蜜糖味有微微咖哩香唔辣，炸物盛盒$68，有炸天婦羅蝦，大隻爽口，還有吉列炸蠔同炸芝士，夠酥脆。最後仲有日式煎餃子$30，皮脆香口，肉味鮮甜。飲品叫了靜岡抺茶可樂$20同山梨桃梳打$20日本進口的, 透明可樂配上抹茶味，感覺甜甜地，汽水味較重；另一枝山梨桃味，呢枝桃味較出加梳打汽水，夠清涼，送上炸物超夾。