阿善素食 (Closed)

朋友F表哥推介，朋友F亦親自來說過，於是同和素友M今日來到尖沙咀漆咸道南的阿善素食。之前睇食評話啲阿姐態度好差, 又唔係好覺丫, 我唔想俾把風扇吹住個頭要換位, 佢地都冇咋我形。有個阿姐仲化左濃妝, 好尊重。不過地方在閣樓, 樓底有點矮, 裝修環境感覺比較平民。當晚星期一，大約半滿。只記得朋友F推介欖角蜜汁叉燒，果然好味，加入欖角，令叉燒更具風味，而且「可以扮燶叉果啲燶」(素友M批評呢啲咩中文黎)。 另外素友說茶介小碟的芽菜很重麻油味, 非常香口，可以吃3碟，不過因為要另收$10碟，所以當然冇叫。由於本人只係大食，但完全冇記性，除了一味叉燒之外，就唔記得朋友F仲有咩推介，於是隨心點了一碟什菌鮮竹豆腐這個餸就令我常失望，汁很杰但淡而無味，三種材料炒在一起味道卻「各自為政」，完全冇互相輝映, 如果5分是滿分，這一味我只給2分，在割櫈邊緣。素友M說，總比銅鑼灣的「本真東后齋」好吃，天啊！M，「你幾時變到咁低要求！(內心邊說邊想狂搖M的肩膀)」最後有兩個驚喜：1，送湯；2，樓下外賣齋Counter有即煎腐皮卷，素友M買了兩條回家吃，與家人分享都說好吃，$6條唔貴，途經可買來試！