拉麵天王 (Closed)

我本身好鍾意食日本拉麵，今晚同個friend去咗一間日本拉麵店試一試。其實日本拉麵好唔好食最主要都係睇兩樣嘢，第一就係個湯底基本上一定要用豬骨淆出嚟。第二就係麵本身爽唔爽彈唔彈口。呢兩樣最關鍵嘅元素呢間拉麵店都係水準之上。 今晚我哋試咗佢兩款限定時間先至推出嘅拉麵，一碗係蕃茄豬骨湯另一款係胡椒豬骨湯。兩款拉麵湯底都係帶少少辣。但係蕃茄湯底有番茄嘅酸味加上少少辣味，配搭出嚟非常之好味。另一款胡椒湯底係加咗磨碎咗嘅芝士，啲芝士溶咗喺豬骨湯度帶少少黏性係另一番滋味。另外兩碗拉麵嘅叉燒都係又淋又入味加上流心蛋真係一咬開蛋黃就流出嚟，令到兩碗拉麵都非常之好味。另外我哋叫咗個日式餃子小食。餃子煎得非常之 香，另外餃子汁亦都調得非常之好味。宜家日式拉麵鋪開到通街都係，冇返咁上下水準 好難立足。但呢間絕對係有水準嘅日式拉麵舖。